Albisteak
Laudioko hiltegia itxi Amerikatik okel gehiago ekartzeko?
2019-08-28
Azken albisteak: Berri onak jaso dira. Laudioko Udalak Eusko Jaurlaritzari laguntza eskatu eta eman dio eta horri ezker, hiltegian egin behar diren inbertsioak bideratu ahal izango dira eta urtea amaitu baino lehen zabaltzea aurreikusten dute. Beraz, abeltzainek arnasa hartu dute, batez ere bizkaitarrek, Durango eta Bilboko hiltegiak kendu ondoren. Hala ere partxe txiki bat dela ikusten da, ez dagoelako Euskalerri-Nabarra osorako proiektu egoki bat prestatu.
Frantzian, Alemanian, Austrian... haien baserritar eta abeltzainak gehiago zaintzen dituzte eta ez dira desagertzen ari, hemen bezainbeste. Eusko Jaurlaritzak ez du ganorazko ezer egiten ari gure alde. Iparlat Suitzarrei saltzen utzi zien eta horrela hemengo esne gehiena jasotzen duen enpresa kanpokoen esku geratu zen. Merkataritza zentro handiek nahi duten "esnea" nahi duten prezioan saltzen dute (gehien-gehiena kanpotik noski), baita gainerako janaria ere, eta Jaurlaritzak ez du ezer egiten bertako janaria bultza dezaten.
Orain beste ildo bat zabaldu dute: hiltegi guztiak ixtea. Bizkaian dagoeneko zeuden biak itxi eta bizkatiar abeltzainak Laudiora edo inguruko beste herrialdeetara eraman behar izan dituzte, hemengo okela garestituz. Helburua: gero eta kanpoko okel gehiago erostera behartzea.
Orain beste urrats bat egin dute. Lehenengo URA agentzia bidali dute, Udalari "iritzi publikoa" prestatzeko eta ixten laguntzeko. Esan du hiltegiak ez duela ondo betetzen likidoen isuriaren arauren bat. Udalak, eskuak garbitu eta itxi egingo duela esan du. Laudiokoa ixten bada, Arabako eskualde osorako eta Bizkai erdirako beste harrikada izugarria izango da. Eta zergatik gertatzen ari da hau guztia?
Badirudi Eusko Jaurlaritzak Europako Batasunak Mercosur eta Estatu Batuekin sinatuko dituen kontratuak txalotzen hasi dela eta bidea prestatzen ari dela, okel pilo bat Amerikatik ekartzeko eta hemengo abeltzainei ez erosteko eta azken jipoia emateko. Seguru Alemaniako abeltzainei ez diela eraginko espainiar estatukoei bezainbeste. Hau gure kontrako torpedo zuzena da. Europa horretarako dago, lobbyen interesak defendatzeko eta herritar xumeak betiko lepotik izorratzeko.
Merkosur eta Estatu Batuekin sinatzear dauden hitzarmenen aurrean hemengo okela babesteko Laudioko hiltegia ez ixtea eta Bizkaian itxi dituzten biak berriro egitea eskatzen dute abeltzainek... eta guk.
Utzi zure iruzkina