Albisteak
Kurdistan, Palestina bezala, mundu osoaren porrota
2019-10-11
ISISen kontra inork baino gehiago borrokatu eta arriskatu dute, haiekin batera bizi diren herri txikiagoak inork baino hobeto errespetatu eta elkarbizitza bultzatu dute eta orain 6 milioi kurdu, Turkiak Afrinen egin duen bezala, haien etxetik bota, haien lurrak lapurtu, haien bizitza ohostu nahi du... betiko.
Elkartasuna herri kurduarekin!
Boikota produktu turkiarrei!
Oporrik ez Turkian!
Turkiatik kanpo ia babesik gabe gelditu da Recep Tayyip Erdogan presidentea, Siriako Kurdistanen hasi duen inbasioari dagokionez. Kritika anitz egin dizkiote, eta Siriako gatazkan esku hartu duten ia herrialde guztiak agertu dira inbasioaren aurka. Baina inork ez du jakinarazi Erdoganen plana geldiarazteko pauso eraginkorrik, ezta horretarako borondate zehatzik ere, eta, atzo, bigarren egunez, lurreko indarren operazioekin eta aireko nahiz artilleria bidezko bonbardaketekin jarraitu zuen Turkiak. Gainera, Erdoganek argi utzi du ez dituela kritikak onartzen, ez kanpotik eginak, ezta etxekoak ere. Horren adibide, EB Europako Batasunari atzo egin zion ohartarazpena: «Europa! Gure operazioari okupazio erraten badiozu, eginen duguna sinplea da: ateak ireki eta zuri bidaliko dizkizugu 3,5 milioi siriar».
(jarraitzen du)
Argazkian Kobane hiria nola geratu zen ikusi daiteke, Turkiak erasotzaileei laguntza eman ondoren.
Utzi zure iruzkina