BIltzarre

Albisteak

Martxoak 8: Aldarri feministak morez jantzi du Euskal Herria

2020-03-08

 
 
Milaka emakumek kaleak hartu dituzte beste behin ere, borroka feminista defendatzeko eta "beste gizarte eta ekoizpen eredu" bat aldarrikatzeko, jai giroan, musika, dantza eta hainbat pankartarekin.
 

Martxoak 8ko, Emakumeen Nazioarteko Eguneko, lehen mobilizazioa Baionak hartu du goizean. Hiriburu lapurtarraren lekukoa Iruñeak hartu du ondoren. Gaztelu plazan elkarretaratze feminista egin dute. Aldi berean, martxa feminista abiatu da Donostiako Alderdi Eder Parketik. 13:00ak aldera manifestazio jendetsuena hasi da Bilboko Jesusen Bihotzean, Euskal Herriko mugimendu feministak deituta.

Hala ere, marea morea ez da bakarrik hiriburuetara mugatu. Besteak beste, Tolosan (Gipuzkoa), martxa batek herriko kaleetan ibilbidea egin du jai giroan. Amurrion (Araba), elkarretaratzea egin dute Udaletxe plazan.

Horrela, milaka emakumek kaleak hartu dituzte beste behin ere, borroka feminista defendatzeko eta "beste gizarte eta ekoizpen eredu" bat aldarrikatzeko, jai giroan, musika, dantza eta hainbat pankartarekin.

Horietako asko beltzez jantzita eta more koloreko arropa, peto edo bereizgarriren batekin, manifestariek kaleak hartu dituzte, borroka feminista mantentzeko, antolakuntza eta indarrak batzea aldarrikatuz.

Era berean, prostituzioaren abolizioa eta matxismoak hildako emakumeak gogora ekartzeko pankartak erakutsi dituzte. Emakumeentzako kale eta gau seguruak eskatu dituzte, baita alderdi faxisten susperraldiaren aurka oihu egin ere.

 

Utzi zure iruzkina


Egutegia

aurrekoa 2024 uztaila hurrengoa
AlAsAzOgOrLrIg
1234567
891011121314
1516
17
18192021
22232425262728
293031    

Azken Albisteak

Abstentzioa noren alde? ¿A quién favorece la abstención?
(abajo en castellano) Abstentzioak une honetan noren alde egiten du? https://izanauzokrazia.eus/abstentzioa/ Hauteskundeak heltzen direnean bakoitzak jarrera bat hartzen du. Leku gutxitan gertatzen da Andaluziako Marinaledan egiten dutena. Han,...
Abstentzioa - Abstención
Abstentzioa Bigarren Mundu Gerra amaitu zenean, oligarkak eta familia aberatsek, Rothschild familiak, Rockefeller familiak eta beste batzuk korporazio ezberdinetan interesak zeuzkatenek Europako batasun ekonomikoa sortu zuten, gaur egun EB-Europar Bat...

Albiste +

©Biltzarre 2024

Garapena: Bitarlan