Naziogintza webgunean Okzitanieraren egoerari buruzko artikulu interersgarria argitaratu dute

Eric Rouleto okzitanierazko irakaslea.

Europako estaturik gabeko naziorik handiena da Okzitania, Atlantikotik Mediterraneoraino zabaltzen dena, eta frantziar estatuaren hegoalde osoa hartzeaz gain Italiako zati bat (“Valadas”) eta Espainiako beste bat (Aran) ere badituena.

Okzitaniar lurralde guztien arteko lotura nagusia hizkuntza da. Okzitaniak batasun politikoa inoiz ez izan arren, hizkuntzak nortasun komunaren sentimendua eman die Okzitaniako eskualde ezberdinei, eta baita izena bera Nazioari ere. Erdi Aroan, Oc hizkuntza Europako kultuena izan zen, gaur egun -Frantziako errepresio bortitzaren ondorioz- kinka larrian bada ere.

ERIC ROULET okzitanierazko irakaslea da Girondan (Gaskoinia). Gric de Prat taldearen sortzaileetako bat da, hizkuntza eta kultura okzitaniarra sustatzen duen talde musikal gaskoia. NAZIOGINTZAko eskaerari erantzunez, ondoko artikulu mamitsua idatzi du okzitanieraren gaur egungo egoeraz:

“Okzitaniar hizkuntza latinetik datorrena da eta egungo Frantziako Estatuaren hegoaldean hitz egiten da, baina baita Italiako Alpeetan (6 okzitaniar haran) eta Aran haranean ere (Val d’Aran), Katalunian dagoena (ikus atxikitako mapa).

(artikulua osorik irakurtzeko)

http://www.naziogintza.eus/nazio-bidelagunak/okzitaniako-hizkuntza-gaur/

Dena dela, gure nebarreba gaskoiek ez dute guztiz ikuspegi hori partekatzen. Pentsatzen dute, bestelako zentralismo mota nahi dutela, hizkuntza bakoitzak, gaskoierak bere ibilbide propioa izan duenean. Nolabait, batzuek batasun faltari botatzen diotela euren hizkuntza galbidean egotea neurri baten, baina batasuna egotea edo ez, ez du funtsezko garrantzirik, garrantzitsuena da beharrezkoa izatea eta dagozkion funtzio sozialak betetzea.