Irakurle batek bidalitakoa:

Gernikako Arbola Euskal Herriko ereserkia dela zalantzan jartzen duten zenbaitek, gazteen artean segidarik ez duela aipatzen dute.

Ahaztu egiten dute oroimena belaunaldi bakoitzean transmititu behar den zerbait dela, eta belaunaldi bakoitza zerotik abiatzen dela beti ikasteko.

Baina ahaztu egiten dute ere gazteek arin ikasten dutela, bereziki musika baldin bada.

Atzo bertan Hernanin izan nintzen, Independentzia egunean. ERNAI-ko neska-mutilek herri-bazkaria eta manifestazioa antolatu zituzten. Eta ilunabarrean, kontzertua.

11:00etan Rotten XIII talde nafarraren emanaldia iragarri zen. 800-1000 gazte inguru zeuden zain, eserita, antolatzaileek ikurrinak eta Nafarroako banderak banatzen zituzten bitartean.

Rotten XIII atera zelarik, kantariak hitza hartu zuen: “Hasi aurretik, denok zutik kantatuko dugu, Euskal Herriko ereserki nazionala”. Eta megafoniatik Donostiako Orfeoia hasi zen 1955eko “Gernikako Arbola”-ren bertsio ederra kantatuz.

Gazteri haren irudia, denak zutik, banderak airean eta euskal ereserkia kantatuz edo entzunez, ikuskizun zoragarria izan zen, duela zenbait hamarkada ikusten ez genuena eta emeki emeki berpiztuz doalarik.

Zeren Euskal Herriak bere ereserki nazionala berreskuratu behar du, Historian zehar zazpi probintziek izan duten bakarra. Utz ditzagun konplexuak eta dibisio antzuak eta… “Eman eta zabal dezagun munduan himnoa…”

Besarkada bat

HOna hemen 1958an Orfeoi Donostiarrak kantatutako Gernikako Arbola:

/includes/elFinder/php/../files/\'Gernikako Arbola\' ORFEOI DONOSTIARRA 1958. Julián Gorostidi copia 2 (1).mp3