BIltzarre

Albisteak

4. Historialdia – azaroaren 26an Hernanin: “Baskoniako Dukerri ezezaguna”

2022-11-22

Datorren 26an, larunbatez, Hernanin historiari buruzko laugarren bilkura egingo du Historiazaleok elkarteak. Lehenengo historialdian Bagauden matxinaden gaia landu genuen, gure historia ezagutzeko ezinbesteko garaia. Hurrengoan gure historiaren ala haien “relatoaren” artean erabakitzeko beharra eta hor gure ikuspegia lantzen duten aditu batzuk ekarri genituen, ETB eta Alberto Santaren “Baskoniako beste historia bat” dokumentalen aurrean gure ikuspegia lantzeko. Hirugarren historialdian aterpeari buruz ari ginen, alegia, Asturias, Kantabria, Euskal Herria, Akitania eta Perigorderaino doan eremua, Europaren sorlekuetako bat izan zitekeen aztertuta (informazioa). 

Eta aurten beste gai interesgarri bat ekarriko dugu eta ezezaguna zaigun Baskoniako Dukerria hartuko dugu hizpide. Hitzordua azaroaren 26an izango da, Hernaniko Biteri Kultur Etxean, 9:00etatik 13:00etara. Bi hizlari paregabe izango ditugu bertan, honako hitzaldiekin

Iñaki Lopez Luzuriaga: Baskonia burujabetzaren atakan (760-806)

760. urtean Pepin errege karolingioak azken erasoa jo zuen akitaniarren kontra, zortzi urteko gerra suntsigarriaren bidez. Ataka estuan, Lupo dukeak eta euskaldunek hitzarmenak josi zituzten karolingioekin, eta 778an haiek geldiarazi. Karlomagnoren oldar militar berrituaren aurrean, euskaldunak dialektika bihurrian mugitzen ziren: sistema barnetik jokatu eta, ahal dela, kanpotik.

Aitzol Altuna: Baskoniako Dukerria eta gure sistema politikoaren sorrera: foruak

1000 urte bizi iraun zuen gure sistema politiko propioaz hitz egingo dugu hitzaldi honetan. Euskaldunok, mendeetan sistema politiko propio bat izan dugu, Baskoniako dukerrian bere susterrak errotzen dituena eta Nafarroako erresuman burutu zena. Foruak bezala ezagutzen ditugu, baina, zelakoa zen sistema politiko propio hura? Foruak eta legeak gauza bera ote dira? Nola kendu zizkiguten Foruak? Gaur egun, zeozer gelditu da sistema hartaz? Posiblea litzateke Foruak berrezartzea XXI. mendean?

Izena emateko 10 euroko ekarpena egin behar da bertaratzean. Lekua gordetzeko: biltzarre@biltzarre.eus

Utzi zure iruzkina


Egutegia

aurrekoa 2024 ekaina hurrengoa
AlAsAzOgOrLrIg
     12
3456789
10111213141516
17181920212223
24
252627282930

Azken Albisteak

Abstentzioa noren alde? ¿A quién favorece la abstención?
(abajo en castellano) Abstentzioak une honetan noren alde egiten du? https://izanauzokrazia.eus/abstentzioa/ Hauteskundeak heltzen direnean bakoitzak jarrera bat hartzen du. Leku gutxitan gertatzen da Andaluziako Marinaledan egiten dutena. Han,...
Abstentzioa - Abstención
Abstentzioa Bigarren Mundu Gerra amaitu zenean, oligarkak eta familia aberatsek, Rothschild familiak, Rockefeller familiak eta beste batzuk korporazio ezberdinetan interesak zeuzkatenek Europako batasun ekonomikoa sortu zuten, gaur egun EB-Europar Bat...

Albiste +

©Biltzarre 2024

Garapena: Bitarlan